ಆಳಂದ: ಜಿಲ್ಲಾ ಪೊಲೀಸ್ ಇಲಾಖೆಯ ತ್ವರಿತ ಕಾರ್ಯವಿನಿರ್ದೇಶನದಲ್ಲಿ ಆಳಂದ ಪೊಲೀಸ್ ಠಾಣೆಯ ಸಿಬ್ಬಂದಿ ಕಳ್ಳತನ ಪ್ರಕರಣದ 8 ಆರೋಪಿಗಳನ್ನು ಬಂಧಿಸಿ, 4.90 ಲಕ್ಷ ರೂಪಾಯಿಗಳ ಮೌಲ್ಯದ ಸಂಪತ್ತನ್ನು ವಶಪಡಿಸಿಕೊಂಡಿದ್ದಾರೆ.
ಈ ಕಾರ್ಯಾಚರಣೆಯಲ್ಲಿ ಪೊಲೀಸ್ ಅಧಿಕಾರಿಗಳು ಮತ್ತು ಸಿಬ್ಬಂದಿಯವರ ತಾಳ್ಮೆ ಹಾಗೂ ಸಣ್ಣ ವಿವರಗಳ ಕಡೆಗೆ ಗಮನ ಹರಿಸಿದ್ದು, ಸಾರ್ವಜನಿಕರಲ್ಲಿ ಸುರಕ್ಷತೆಯ ಭಾವನೆಯನ್ನು ಹೆಚ್ಚಿಸಿದೆ.
ಪ್ರಕರಣದ ಬಗ್ಗೆ ಮಾಹಿತಿ ನೀಡಿರುವ ಆಳಂದ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್ಪೆಕ್ಟರ್ ಶರಣಬಸಪ್ಪ ಕೋಡ್ಡಾ ಅವರು ತಿಳಿಸಿದಂತೆ, ತಡಕಲ್ ಗ್ರಾಮದ 38 ವರ್ಷದ ವಿನಾಯಕ ತಂದೆ ಸೈಬಣ್ಣ ಎಂಬಾತನು ಸೆಪ್ಟೆಂಬರ್ 4 ರಂದು ನೀಡಿದ ದೂರು ಆಧಾರದಲ್ಲಿ ಗುನ್ನೆ ಸಂಖ್ಯೆ 218/2025 (ಕಲಂ 303(2) ಭಾರತೀಯ ದಂಡ ಸಂಹಿತೆ) ಪ್ರಕರಣ ದಾಖಲಾಗಿತ್ತು ಎಂದು ಹೇಳಿದರು.
ಇದರ ಅನ್ವಯ ಮಂಗಳವಾರ ಬೆಳಿಗ್ಗೆ 5 ಗಂಟೆ ಸುಮಾರಿಗೆ ನಡೆದ ಕಾರ್ಯಾಚರಣೆಯಲ್ಲಿ 8 ಆರೋಪಿಗಳನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದ್ದು, ಅವರನ್ನು ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಲಾಗಿದೆ ಎಂದು ಪ್ರಕಟಣೆಯ ಮೂಲಕ ಪಿಐ ಕೋಡ್ಡಾ ಅವರು ತಿಳಿಸಿದ್ದಾರೆ.
ವಶಪಡಿಸಿಕೊಳ್ಳಲಾದ ಸಂಪತ್ತುಗಳಲ್ಲಿ 25,000 ರೂಪಾಯಿಗಳ ನಗದು, ಎರಡು ಎಮ್ಮೆಗಳು (ಮೌಲ್ಯ: 1,10,000 ರೂ.), ಒಂದು ಆಕಳು (ಮೌಲ್ಯ: 55,000 ರೂ.) ಹಾಗೂ ಕಳ್ಳತನಕ್ಕೆ ಬಳಸಿದ ಅಶೋಕ್ ಲೈಲ್ಯಾಂಡ್ ಗೂಡ್ಸ್ ವಾಹನ (ನಂ. ಕೆಎ-32-ಡಿ-4414, ಮೌಲ್ಯ: 3,00,000 ರೂ.) ಸೇರಿವೆ. ಒಟ್ಟು ಮೌಲ್ಯ 4,90,000 ರೂಪಾಯಿಗಳು. ಈ ಸಂಪತ್ತುಗಳು ಪ್ರಕರಣದೊಂದಿಗೆ ಸಂಬಂಧಿಸಿದ್ದು, ಆರೋಪಿಗಳಿಂದ ಪತ್ತೆ ಹಚ್ಚಲಾಗಿದೆ ಎಂದು ಅವರು ಸ್ಪಷ್ಟಪಡಿಸಿದರು.
ಸೆಪ್ಟೆಂಬರ್ 9 ರಂದು ನಡೆದ ಈ ಕಾರ್ಯಾಚರಣೆಯಲ್ಲಿ ಪೊಲೀಸ್ ಸೂಪರಿಂಟೆಂಡೆಂಟ್ ಅಡ್ಡೂರು ಶ್ರೀನಿವಾಸಲು (ಕಲಬುರಗಿ), ಹೆಚ್ಚುವರಿ ಪೊಲೀಸ್ ಸೂಪರಿಂಟೆಂಡೆಂಟ್ ಮಹೇಶ ಮೇಘಣ್ಣನವರ್ (ಕಲಬುರಗಿ) ಹಾಗೂ ಪೊಲೀಸ್ ಸಬ್-ಇನ್ಸ್ಪೆಕ್ಟರ್ ತಮ್ಮಾರಾಯ ಪಾಟೀಲ (ಆಳಂದ) ಅವರ ಮಾರ್ಗದರ್ಶನದಲ್ಲಿ ಪೊಲೀಸ್ ಸಬ್-ಇನ್ಸ್ಪೆಕ್ಟರ್ ಸಂಜೀವ ರೆಡ್ಡಿ ಹಾಗೂ ತಂಡ ಯಶಸ್ವಿಯಾಗಿದೆ.
ಇದಲ್ಲದೆ, ಹೆಡ್ ಕಾನ್ಸ್ಟೇಬಲ್ ಮೆಹಬೂಬ್ ಶೇಖ (ಸಿ-282), ಹೆಡ್ ಕಾನ್ಸ್ಟೇಬಲ್ ಚಂದ್ರಶೇಖರ (ಸಿ-277), ಹೆಡ್ ಕಾನ್ಸ್ಟೇಬಲ್ ಗಣಪತರಾವ್ (ಸಿ-204), ಪೊಲೀಸ್ ಕಾನ್ಸ್ಟೇಬಲ್ ಸಚಿನ್ (ಪಿಸಿ-477), ಪೊಲೀಸ್ ಕಾನ್ಸ್ಟೇಬಲ್ ಜಾಕೀರ್ (ಪಿಸಿ-374), ಪೊಲೀಸ್ ಕಾನ್ಸ್ಟೇಬಲ್ ವೆಂಕಟರಾವ್ (ಪಿಸಿ-94), ಪೊಲೀಸ್ ಕಾನ್ಸ್ಟೇಬಲ್ ಸಿದ್ದರಾಮ (ಪಿಸಿ-204) ಮತ್ತು ಆಮ್ರ್ಡ್ ಪೊಲೀಸ್ ಕಾನ್ಸ್ಟೇಬಲ್ ಮೌಲಾಲಿ (ಎಪಿಸಿ-21) ಅವರ ಕಾರ್ಯವೈಖರಿಯನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು ಪ್ರಶಂಸಿಸಿದ್ದಾರೆ
